تفاءلوا بالدوري تجدوه [Archive] - منتديات مدرار سبورت

الدكتور

13-07-2008, 04:42 AM

تفاءلوا بالدوري تجدوه

خطوات (مش بطالة) يقوم بها الوحدات تحضيرا للموسم الكروي الذي انطلق فعليا بالدرع ,الوحدات استقطب المدرب العراقي اكرم سلمان لقيادة الفريق الاول الذي اعلن في اول لقائاته مع اللاعبين بانه لامكان للاسماء بدون عطاء .
الفريق يتدرب بانتظام ويستعد لخوض معسكر تدريبي ومشاكل توقيع اللاعبين تم الاتفاق معهم على تاجيلها وعودة الحردانين للتدريب .
ويبدو ان (الدقارة) العربية تعمل عملها لمصلحة الوحدات فمع تولي طارق خوري مسؤولية الفريق وتعيين احد رجالاته كمدير للفريق والرغبة في اظهار ان الشغل نضييف مية مية من باب ان الانجاز ان تحقق سيعود بالاطراء الرئيس وزلمته فاني اتوقع ان تسير الامور على مايرام اذا ماتم ضم محترفين يرجح ان يكونوا عراقيين وتم اخماد ثورة الحردانين خصوصا مع تالق لافت لفريق رديف مدجج بنجوم المستقبل تحت قيادة مدرب (وان لم يعجبنا سابقا )فانه باعتقادي اكثر من مناسب لفريق رديف .

المطلوب الاول لجماهير الوحدات هذا الموسم وكل موسم هو بطولة الدوري والفريق حققها 3 مرات في اخر اربع سنوات وفي ظروف اصعب من ماهي عليه الان ,الوحدات
سيواجه منافسة قوية من فرق دعمت مراكزها بلاعبين محترفين ومحليين. والوحدات بلاعبيه الحاليين ومن دون محترفين ومع تدعيم من الرديف قادر على تحقيق الدوري كما اعتاد فما بالك لو تم الاستعانة بمحترفين او 3 على مستوى لدعم المسيرة عربيا واسيويا

الفريق يحتاج لظهير ايمن متميز وقلب دفاع صلب ومهاجم تحسبا لتقلبات امزجة اللاعبين وهبوط مستوى البعض والاصابات. كما ان انضمام هؤلاء مهم للبطولة العربية والاسيوية التي تضم مستويات اعلى مما هو عليه بالدوري المحلي .

حراسة الوحدات تنعم بالاستقرار بتواجد الحوت عامر والصاعد شلبية وشخصيا افضل بيع قنديل او عدم الزج به في المبارايات المؤثرة بعد المستوى المخزي بكاس الاتحاد الاسيوي.

مركز الظهير الايمن يتواجد به المخضرم فيصل والمتقلب فادي والصاعد محارمة والحقيقة ان اي منهم لايملك ميزات الظهير العصري فتراجع لياقة فيصل واصاباته المتعددة وتوهان فادي و تواضع امكانياته الفنية وحداثة عهد محارمة وقلة خبرته تجعل الاستعانة بمحترف مميز بهذا المركز امر ملح .

قلبي الدفاع الوحداتي مشكلة تقض مضاجع كل من دربوا الفريق فكانت الاستعانة دوما بمحترف جاهز ليلعب بجانب سمرين المتقلب المستوى ايضا وقد لايختلف الحال هذا الموسم خصوصا ان مركز حساس كهذا سيجعل من الصعب الزج بالبنا بجانب سمرين ,وقد يكون الاستعانة بخبرة فيصل احد الحلول المتاحة امام سلمان الا ان احضار محترف صلب لهذا المركز مهم جدا اذا ما اراد الوحدات الذهاب بعيدا في البطولات الخارجية.

الظهير الايسر مزدهر تماما , فباسم فتحي موجود ومع عودة العندليب من الاصابةفان ذلك يوسع من خيارات اكرم مع عدم اغفال وجود الضميري الذي سيقتصر دوره على المشاركة في حالات الاصابات.

مركز الوسط المدافع يتواجد به محمد جمال المتهور وبديله خليل فتياني الذي اتمنى اعطائه دور اكبر هذا الموسم .

الجناح الايمن يضم حريفة الاردن عيسى السباح وعامر ذيب وابو زيتون ولاخوف عليهم

والجناح الايسر يضم المخضرم رافت والصاعد المتالق الردايدة مع الاخذ بعين الاعتبار مشاركة العندليب اذا ما استدعت الضرورة.

مركز صناعة الالعاب يشغله الشاطر حسن والذي اظهر مستوى لافت مع المنتخب ويمتاز بتسديدات صاروخية , ولكن المقلق عدم وجود بديل بمستوى حسن وان كنت لا اغفل امكانية اناطة هذا الدور لرافت علي.
خط الهجوم المكون من شلباية ان وقع وعوض وموسى والديسي قد يكون كاف محليا ولكنه يحتاج تدعيما على صعيد البطولات العربية والاسيوية.

شخصيا متفائل بشدة لتحقيق بطولة الدوري للمرة الثالثة على التوالي خصوصا اذا مابقيت العصي بعيدة عن الدواليب ولعب الفريق لاسم الوحدات .

محمد طمليه

13-07-2008, 04:51 AM

هههههههههه حلم إبليس في الجنة يا دكتور و سلملي عالردايدة ههههههههههه

محمد طمليه

13-07-2008, 06:35 AM

وبعدين أحلى إشي شغلة المشاركات الخارجية العربية و الآسيوية....يعني كبل متبلش البطولات الخارجية بتكونو كايمين الدنيا على حالكو و هالمنتديات إشي تفاؤل و من الآخر....و بعد متطلعو برة كالعادة بتصير البطولة العربية مش معترف فيها و الآسيوية بتصير شاي سيلاني....مش تنسو صفا و بنغال إشي ردايدة العادة ههههههههه

أبوحمزة

13-07-2008, 08:05 AM

يعطيك العافية يا دكتور على الموضوع الرائع ..

انا متفق معك تماما .. بس شكلنا راح نضوع المحترفين على الدفاع؟؟؟

انا شايف انه نعطي الثقة اكبر لمحمد محارمة باليمين .. ونجيب واحد قلب دفاع مع سمرين .. وسمرين بيتبادل اللعب مع البنا ..

الدفاع اليسار .. يا ريت يبيعوا باسم فتحي عشان نخلص هههههههههههه يعني باعوا شباب كثير بالوسط .. كان نفسي يبيبعوا باسم !!!! ويعطوهم فوقه "فادي شاهين" هدية هههههههههههه

انا كمان متفاءل خير ان شاء الله هالسنة .. وان شاء الله القمة لن تعرف صقرا لها سوى الوحدات ..

وبالتوفيق للوصيف وباقي الاندية الاخرى .. :)

الدكتور

13-07-2008, 08:07 AM

يعني الجوز فيصلاوية شو بده يطلع منكم
ياريت تتشاطر انت وياه وتكتبلنا موظوع عن عبد الاله الحناحنة واثره على مسيرة عيد الشجرة

محمد طمليه

13-07-2008, 08:11 AM

يعني الجوز فيصلاوية شو بده يطلع منكم
ياريت تتشاطر انت وياه وتتبلنا موظوع عن عبد الاله الحناحنة واثره على مسيرة عيد الشجرة
إنشا الله لنغرسها هالشجرة فمرمى عامر شفيع

الدكتور

13-07-2008, 08:18 AM

يعطيك العافية يا دكتور على الموضوع الرائع ..

انا متفق معك تماما .. بس شكلنا راح نضوع المحترفين على الدفاع؟؟؟

انا شايف انه نعطي الثقة اكبر لمحمد محارمة باليمين .. ونجيب واحد قلب دفاع مع سمرين .. وسمرين بيتبادل اللعب مع البنا ..

الدفاع اليسار .. يا ريت يبيعوا باسم فتحي عشان نخلص هههههههههههه يعني باعوا شباب كثير بالوسط .. كان نفسي يبيبعوا باسم !!!! ويعطوهم فوقه "فادي شاهين" هدية هههههههههههه

انا كمان متفاءل خير ان شاء الله هالسنة .. وان شاء الله القمة لن تعرف صقرا لها سوى الوحدات ..

وبالتوفيق للوصيف وباقي الاندية الاخرى .. :)

اغلب خسائر الوحدات من اغلاط دفاعية ابوحمزة لو عنا دفاع قوي بنكون بخير وسلام
مش غلط 2 بالدفاع محترفين يكونوا ممتازين ساعتها مع مهاجم محترف قناص وخط وسطنا بلهلب تلهلب بنطوب الشميشاني كلها بمافيها حديقة الطيور

محمد طمليه

13-07-2008, 08:22 AM

اغلب خسائر الوحدات من اغلاط دفاعية ابوحمزة لو عنا دفاع قوي بنكون بخير وسلام
مش غلط 2 بالدفاع محترفين يكونوا ممتازين ساعتها مع مهاجم محترف قناص وخط وسطنا بلهلب تلهلب بنطوب الشميشاني كلها بمافيها حديقة الطيور
الأراضي ولعت يا حبيبي خليك عند المخفر أحسن ههههههههه

الدكتور

13-07-2008, 08:25 AM

إنشا الله لنغرسها هالشجرة فمرمى عامر شفيع

ابو ليلى ياريت تعطينا رايك بالمكتوب او تكتبلك موضوع عن الزرق بدال مانته حامل الطورية ونازل بدك تزرع وتحصد وتسقي وتسمد وتصدر , وهالسنة صقيع والسنة الجاي تجمد وبيوت بلاشتيكية من طلعت البلاشتيك واخرتها عفاشوش

أبو عبدالرحمن

13-07-2008, 08:27 AM

بصراحة موضوع مميز كالعادة من اخي ابو جبريل
والنقاط الي ذكرتها اوافقك الرأي فيها جميعها
لكن اتوقع انه يجب توفر عنصري اساسي للعيبتنا وهو " الروح "
لأنه بعد كل الدقارات والمناوشات والقصص اللي صارت ولسه عم بتصير في اروقة النادي اتوقع انه اللعيبة فقدوا روح الانتماء للنادي وللكلر اللي لابسينه ..
عموما اتوقع انها الروح ترجعلهم تدريجيا يعني بعد كم مباراة من بداية الموسم ..
يعني برأيي اول كم مباراة النا ح تشوف اشي ما بيرضينا والعلم عند الله

محمد طمليه

13-07-2008, 08:32 AM

بصراحة موضوع مميز كالعادة من اخي ابو جبريل
والنقاط الي ذكرتها اوافقك الرأي فيها جميعها
لكن اتوقع انه يجب توفر عنصري اساسي للعيبتنا وهو " الروح "
لأنه بعد كل الدقارات والمناوشات والقصص اللي صارت ولسه عم بتصير في اروقة النادي اتوقع انه اللعيبة فقدوا روح الانتماء للنادي وللكلر اللي لابسينه ..
عموما اتوقع انها الروح ترجعلهم تدريجيا يعني بعد كم مباراة من بداية الموسم ..
يعني برأيي اول كم مباراة النا ح تشوف اشي ما بيرضينا والعلم عند الله

أهليين أبو عبد الرحمن...تكلكش و لا عبالك إنشا الله بنلبيدكو جولين في كأس الكؤوس وبنرجعلكو الروح

أبو عبدالرحمن

13-07-2008, 08:38 AM

ابو ليلى ياريت تعطينا رايك بالمكتوب او تكتبلك موضوع عن الزرق بدال مانته حامل الطورية ونازل بدك تزرع وتحصد وتسقي وتسمد وتصدر , وهالسنة صقيع والسنة الجاي تجمد وبيوت بلاشتيكية من طلعت البلاشتيك واخرتها عفاشوش
دكتور الله يصبحك بالخير ...
مين اللي يكتب موضوع عن الزرق ؟؟؟؟؟؟
هههههههه
يا زلمة نفسي اشوف موضوع عن الزرق في المنتدى بفش الغل ...
ههههههههههههه

محمد طمليه

13-07-2008, 08:51 AM

دكتور الله يصبحك بالخير ...

مين اللي يكتب موضوع عن الزرق ؟؟؟؟؟؟
هههههههه
يا زلمة نفسي اشوف موضوع عن الزرق في المنتدى بفش الغل ...
ههههههههههههه

أنداري يا بو عبد الرحمن ...لو بدي أبلش أكتب عن الزرك الله يرضى عليهم بدي سنين لأخلص

الدكتور

13-07-2008, 08:51 AM

دكتور الله يصبحك بالخير ...

مين اللي يكتب موضوع عن الزرق ؟؟؟؟؟؟
هههههههه
يا زلمة نفسي اشوف موضوع عن الزرق في المنتدى بفش الغل ...
ههههههههههههه

اكتب عنهم ابو العبد هذول مظيعين قلامهم , هي البشكير عالعلاكة

adham

13-07-2008, 09:30 AM

ابو جبريل الفرنساوي
تحية لقلمك ولهذه القراءة
بالنسبة للدقارة العربية ... لتوقع انها تنفع ... ولكن مش على المدى البعيد
بالنسبة للدفاع
اتوقع ان ما استعانوا بمحترفين على مستوى ... او حدثت اصابات انه نحرك فيصل ليلعب جنب سمرين ونلعب بالمحارمة امر جيد
او في المباريات الحساسة نرجع عامر ذيب ليشغل المكان لانه ابدع فيه مع المنتخب او مع الوحدات في المرات الي لعب فيها في هذا المركز
الجهة الشمال كلها تعتبر ثقل الوحدات
الهجوم غير متفائل فيه بطاطاً ... خاصة مع دلع شلباية ... وقلة امكانيات العوظ بسلامتك راغب ... وخبرة موسى حماد القليلة
نحتاج لقناص على مستوى عالي ... بس يسجل اهداف ... ما بدنا مهاجم متحرك ... عوض وشلباية بيأدوا هذا الدور كويس
حسن ... مستوى متذبذب مستغرب ... لو يرجع لمستواه زمان بنكون مطمئنين جدا من ناحية صناعة الالعاب
وانداري

أبوحمزة

13-07-2008, 11:36 AM

يعني الجوز فيصلاوية شو بده يطلع منكم
ياريت تتشاطر انت وياه وتكتبلنا موظوع عن عبد الاله الحناحنة واثره على مسيرة عيد الشجرة

اضحك الله سنك ابو جبريل ههههههههههههههه

يا زلمة فيصلاوية المنتدى . للاسف "ما بيعرفوا يكتبوا"!!! هههه

هذا واقع ... واذا في مواضيع عن الفيصلي بأقلام فيصلاوية .. طلعولنا اياهم عشان نغير وجهة النظر هاي.. باستثناء مواضيع "غزل" بجمال عيون معاليه والعائلة الكريمة هههههههههههههههه

للأسف الفيصلاوية في المنتدى قاعدين بس لمواضيع الوحداتية بيقرأوهم حرف حرف عشان يشوفوا اذا في اي هجوم عليهم عشان يبدأوا الدفاع .. واذا ما في ولا حرف عليهم . بيبادروا بالهجوم!!! هههههههههههههههه

ايش رايك يا ابو جبريل نشطب الفيصلاوية اللي في المنتدى .. ونريح راسنا من النطنطة تبعتهم في مواضيع الوحداتية؟؟

MoHaMaD

13-07-2008, 12:37 PM

موضوع رائع كالعادة يا دكتور

أنا شايف انو الوحدات بحاجة لقلب دفاع ممتاز واذا بريحونا من سمرين بكون احسن لانو أخطاؤو ذبحتنا
وايضاً الوحدات بحاجة لمهاجم مع انو في مهاجمين جيدين في الفريق لكن جميعهم متقلبين

وان شاء الله خير

تحياتي

issam2005

13-07-2008, 01:24 PM

موضوع وافي

انا من رائي انو يتم تدعيم الفريق الاول من الرديف السوبر
ويتم اراحة لاعبينا ماديا بالمبالغ المرصودة للاحتراف
شكرا تكتور ولا عزاء لعشاق المركز الثاني

عدي ربيحات

13-07-2008, 04:06 PM

خخخخخخخخخخخخخخخخخخخخخخخ

الموضوع عاجبني بعرفش ليش خخخخخخخ

hanan

13-07-2008, 05:58 PM

دكتور
شكرا على الموضوع الرائع.
الشيء الحلو بالاخضر عندما يصمم على شد الهمة فهو يفعل بلا تردد..
وواضح جدا ان الوحدات يحسن ترتيب اوراقه بشكل يتناسب مع المرحلة,
وهذا امر مهم,,
بالنسبة للاْزرق اعتقد انه يحتاج لوقت حتى ينزل موضوع مثل موضوعك,
وهذا لا يعني سلبية, ولكن كل واحد بحاول يستعد على طريقته,وهذا امر ايجابي,
واستعدادات الاخضر تبدو اكثر وضوحا..
تحياتي لشخصك , مع كل التقدير والاحترام.

حنان عمر

عدي ربيحات

14-07-2008, 06:53 AM

خلني احكي شوي عن الدكتور

قلم رائع اكيد

بس والله يا دوك انك بتبالغ كثير مرات بفريقك

يعني مرات بحس انه الفيصلي لما يلعب معكم بكون بيلعب مع فريق انجليزي(لاني بكره الانجليز يعني) ما علينا وبالاخير بتنطسوا وبتروحوا

ف يا دوك نزللنا موضوع فيصلاوي هيك هدية النا بدي اشوف شو راح تكتبلنا

حاول وانا بعطيك اجرة عملك ان شاء الله

FiTa

14-07-2008, 09:02 AM

عــــــــوجى

adham

14-07-2008, 10:24 AM

خلني احكي شوي عن الدكتور

قلم رائع اكيد

بس والله يا دوك انك بتبالغ كثير مرات بفريقك

يعني مرات بحس انه الفيصلي لما يلعب معكم بكون بيلعب مع فريق انجليزي(لاني بكره الانجليز يعني) ما علينا وبالاخير بتنطسوا وبتروحوا

ف يا دوك نزللنا موضوع فيصلاوي هيك هدية النا بدي اشوف شو راح تكتبلنا

حاول وانا بعطيك اجرة عملك ان شاء الله

شفت يا دكتور
هاي محاولة تطبيع من عضو فيصلاوي مش لاقي اشي يحكي فيه عن فريقه
عدعد
الدكتور مرة نزللكم موضوع اكثر من رائع وصار الكل في المنتدى يتغنى فيه http://content.sweetim.com/sim/cpie/emoticons/0002013F.gif (http://www.sweetim.com/s.asp?im=gen&ref=10)
اتوقع انه اسمه حسب ذاكرتي ...
الخروب ما منه هروب :j (85):
اقرأه واحكيلي رايك
http://content.sweetim.com/sim/cpie/emoticons/00020201.gif (http://www.sweetim.com/s.asp?im=gen&ref=10)

عدي ربيحات

14-07-2008, 10:53 AM

هههه من عنوانه مبين الموضوع
بدي ادور عليه كمان خخخخخخخخ

اسمع دورلي عليه وجيبلي الرابط خليني اظحك شوي بدل ما انا قرفان

adham

14-07-2008, 10:57 AM

طيب استنى علي خمس دقايق على ما أفضى

عدي ربيحات

14-07-2008, 11:00 AM

يا رجل طريقة البحث عندي اشي مدريدي العادة
الشاشة بتقلب عندي

محمد سرور

14-07-2008, 03:03 PM

الوحدات قادر على المنافسة محلياً وعربياً وآسيوياً وبدون محترفين مع الإستعانة بالعناصر الشابة مثل موسى حماد والفتيان والردايدة والسباح وغيرهم كثير فالوحدات ينجب العديد من اللاعبين كل موسم ويصدرهم للأندية الأخرى مش زي الزرق اللي بعتمدوا على المحترفين وبعتمدوا على اللاعبين الجاهزين من النوادي الثانية والدليل واضح شباب الفيصلي شو عملوا في بطولة الدرع حتى الآن أكلوا غلبين ههههههههههههههههههههه ، أما شباب الوحدات فازوا مبارتين والثالث على الطريق ان شاء الله في مباراة اليوم ، وشفيع رجع على المنتخب بعد ما فضحنا العمايرة تبعكوا ومسوى حماد اللي مش عاجبكوا هيو ضمن تشكيلة المنتخب وأكثر من هيك ما في حكي والباقي عندكم خخخخخخخخخخخخ .:j (57):

MoHaMaD

14-07-2008, 05:07 PM

الوحدات قادر على المنافسة محلياً وعربياً وآسيوياً وبدون محترفين مع الإستعانة بالعناصر الشابة مثل موسى حماد والفتيان والردايدة والسباح وغيرهم كثير فالوحدات ينجب العديد من اللاعبين كل موسم ويصدرهم للأندية الأخرى مش زي الزرق اللي بعتمدوا على المحترفين وبعتمدوا على اللاعبين الجاهزين من النوادي الثانية والدليل واضح شباب الفيصلي شو عملوا في بطولة الدرع حتى الآن أكلوا غلبين ههههههههههههههههههههه ، أما شباب الوحدات فازوا مبارتين والثالث على الطريق ان شاء الله في مباراة اليوم ، وشفيع رجع على المنتخب بعد ما فضحنا العمايرة تبعكوا :j (85): :j (85): ومسوى حماد اللي مش عاجبكوا هيو ضمن تشكيلة المنتخب وأكثر من هيك ما في حكي والباقي عندكم خخخخخخخخخخخخ .:j (57):

:j (55): :j (55): :j (55): :j (55):

hanan

14-07-2008, 05:37 PM

الوحدات قادر على المنافسة محلياً وعربياً وآسيوياً وبدون محترفين مع الإستعانة بالعناصر الشابة مثل موسى حماد والفتيان والردايدة والسباح وغيرهم كثير فالوحدات ينجب العديد من اللاعبين كل موسم ويصدرهم للأندية الأخرى مش زي الزرق اللي بعتمدوا على المحترفين وبعتمدوا على اللاعبين الجاهزين من النوادي الثانية والدليل واضح شباب الفيصلي شو عملوا في بطولة الدرع حتى الآن أكلوا غلبين ههههههههههههههههههههه ، أما شباب الوحدات فازوا مبارتين والثالث على الطريق ان شاء الله في مباراة اليوم ، وشفيع رجع على المنتخب بعد ما فضحنا العمايرة تبعكوا ومسوى حماد اللي مش عاجبكوا هيو ضمن تشكيلة المنتخب وأكثر من هيك ما في حكي والباقي عندكم خخخخخخخخخخخخ .:j (57):
************************************************** ********
اول شيء يا محمد سرور بدي اهنئكم على فريق الوحدات وانجازاته الرائعة,
ومبروك عودة شفيع للمنتخب.
بس كمان بيسوى نتساءل جميعنا : هل كل فريق سيبقى على حاله؟ يعني يسعدني فوز الوحدات,,ولكن هل سيستمر الوحدات بالفوز؟ اتمنى ذلك.
وعلى الصعيد الاْخر : اْلم يلعب شفيع مع الفيصلي قبل ان يسجل بالوحدات؟؟
هل نتغنى باللاعب نفسه وبعد خروجه من فريق الى فريق اخر باللحظة التي ننكر قيمته قبل ان ياْتي للفريق؟
اْلم يكن شفيع من قبل لاعب جيد؟؟
هل عندما لعب مع الفيصلي كان غير جيد؟؟
اْلا يستحق منا ذلك ان نكرم جميع لاعبينا دون استثناء لوصولهم لمرحلة متقدمة مع فرقهم بالفوز؟؟

واْخيرا,,ليس جميلا ان نظل نقارن لاعبي الفيصلي بلاعبي الوحدات وبالعكس,,
كل لاعب له مكانته بفريقه بمقدار ما قدم لفريقه او للمنتخب من انجازات خصوصا اذا كان ضمن تشكيلة المنتخب,,والله يخليلكم فريق الوحدات ويفوز بكل البطولات ان شاء الله ..مع الموسم الجديد, ويخليلنا فريق الفيصلي ويفوز بكل البطولات مع الموسم الجديد.
ونحتفل احتفال واحد لا ثاني له,,بس طبعا بعد ما تهدي اْعصابك, وتكون كووووووووول.
:j (34):
تحياتي
حنان عمر

أشرف يغمور

14-07-2008, 06:50 PM

سلام عليكم

يا جماعة الوحدات بدو شغل كتير والفيصلي بمر بمرحلة تجديد

وللعلم

اذا كان الفيصلي او الوحدات مش بصحة منيحة فقدت اي بطولة روح المنافسة .

ع العموم

الوحدات الاصل يعطو فرصة للشباب وما يدورو على حد من برة الا اذا كان فعلا ما فيه البديل

والوحدات الفريق الوحيد في الاردن اللي عندو فريق تاني عالخط .بس للأسف ع الفاضي يعني بالعربي (شغل تحطيم) .

شفنا قبل موسمين كيف انو الاحتياطي تبع الوحدات (ايوب)الوحدات عوض راغب جاب هداف الدوري صح؟ وبعدين حكولو صف واطفي

يعني بنرجع بنحكي

ما بحرث الارض الا عجولها

وبس

أبو العبد13

adham

14-07-2008, 08:02 PM

************************************************** ********
اول شيء يا محمد سرور بدي اهنئكم على فريق الوحدات وانجازاته الرائعة,
ومبروك عودة شفيع للمنتخب.
بس كمان بيسوى نتساءل جميعنا : هل كل فريق سيبقى على حاله؟ يعني يسعدني فوز الوحدات,,ولكن هل سيستمر الوحدات بالفوز؟ اتمنى ذلك.
وعلى الصعيد الاْخر : اْلم يلعب شفيع مع الفيصلي قبل ان يسجل بالوحدات؟؟
هل نتغنى باللاعب نفسه وبعد خروجه من فريق الى فريق اخر باللحظة التي ننكر قيمته قبل ان ياْتي للفريق؟
اْلم يكن شفيع من قبل لاعب جيد؟؟
هل عندما لعب مع الفيصلي كان غير جيد؟؟
اْلا يستحق منا ذلك ان نكرم جميع لاعبينا دون استثناء لوصولهم لمرحلة متقدمة مع فرقهم بالفوز؟؟

واْخيرا,,ليس جميلا ان نظل نقارن لاعبي الفيصلي بلاعبي الوحدات وبالعكس,,
كل لاعب له مكانته بفريقه بمقدار ما قدم لفريقه او للمنتخب من انجازات خصوصا اذا كان ضمن تشكيلة المنتخب,,والله يخليلكم فريق الوحدات ويفوز بكل البطولات ان شاء الله ..مع الموسم الجديد, ويخليلنا فريق الفيصلي ويفوز بكل البطولات مع الموسم الجديد.
ونحتفل احتفال واحد لا ثاني له,,بس طبعا بعد ما تهدي اْعصابك, وتكون كووووووووول.
[/URL] :j (34):
تحياتي
حنان عمر

سيدتي الفاضلة
الحوت عامر شفيع طول عمره حوت
بس نزل مستواه لما لعب مع الفيصلي ... لانه كان ولا يزال وسيبقى مجنون بحب الوحدات
[URL="http://www.sweetim.com/s.asp?im=gen&ref=10"]http://content.sweetim.com/sim/cpie/emoticons/000201C7.gif (http://www.sweetim.com/s.asp?im=gen&ref=10)

بعدين اذا ما بدي اقارن لاعبي فريقي بلاعبي الغريق التقليدي ... عفوا الغريم التقليدي
في مين بدك اقارنهم ... بلاعبي اليرموك والا كفر سوسو ( مع احترامي للفريقين )
وكمان
والله يخليلنا الوحدات ويكسب كل البطولات http://content.sweetim.com/sim/cpie/emoticons/000200E1.gif (http://www.sweetim.com/s.asp?im=gen&ref=10)
ويخليلكوا الفيصلي ويكسب كل الوصيف http://content.sweetim.com/sim/cpie/emoticons/0002006B.gif (http://www.sweetim.com/s.asp?im=gen&ref=10)

لانه لا بطل الا الوحدات http://content.sweetim.com/sim/cpie/emoticons/00020128.gif (http://www.sweetim.com/s.asp?im=gen&ref=10)

hanan

15-07-2008, 09:12 AM

سيدتي الفاضلة
الحوت عامر شفيع طول عمره حوت
بس نزل مستواه لما لعب مع الفيصلي ... لانه كان ولا يزال وسيبقى مجنون بحب الوحدات
http://content.sweetim.com/sim/cpie/emoticons/000201C7.gif (http://www.sweetim.com/s.asp?im=gen&ref=10)

بعدين اذا ما بدي اقارن لاعبي فريقي بلاعبي الغريق التقليدي ... عفوا الغريم التقليدي
في مين بدك اقارنهم ... بلاعبي اليرموك والا كفر سوسو ( مع احترامي للفريقين )
وكمان
والله يخليلنا الوحدات ويكسب كل البطولات http://content.sweetim.com/sim/cpie/emoticons/000200E1.gif (http://www.sweetim.com/s.asp?im=gen&ref=10)
ويخليلكوا الفيصلي ويكسب كل الوصيف http://content.sweetim.com/sim/cpie/emoticons/0002006B.gif (http://www.sweetim.com/s.asp?im=gen&ref=10)

لانه لا بطل الا الوحدات http://content.sweetim.com/sim/cpie/emoticons/00020128.gif (http://www.sweetim.com/s.asp?im=gen&ref=10)
************************************************** ******
طالما نزل مستواه ليش ما يرجع للفيصلي اذا وافقوا عليه طبعا؟

بالنسبة لموضوع المقارنه:
كتير انتم معجبين بلاعبين من خارج الفيصلي كالجزيرة وشباب الاردن والصفقة الي كانت سوف تتم مع الجزيرة..ليش ما تعقدوا مقارنات مع لاعبين انتم معجبين بهم؟:j (101): ؟طالما الفيصلي ما معجبكم فيه شيء؟ لا لاعبين ولا مستوى لعب؟ ولا حتى شيء؟
بس سبحان الله الغيرة والحسد ذابحكم:j (54):
بس قاعدين على قلبكم,,
الفيصلي الزعيم.
انسحبوا من البطولة احسن الكم.
:j (46):
****************
طبعا انا معك.. بحب مناكفات الوحداتية مع الفيصلاوية
وان شاء الله الموسم الحالي بتولع بينهم,,وراح يكون دورك انت ومحمد طميلة اضافة البنزين على النار..
والله يعين باقي الفرق.
:j (85): :j (34): :j (55):
شكرا كثير
تحياتي
حنان عمر

MoHaMaD

15-07-2008, 10:10 AM

سيدتي الفاضلة
الحوت عامر شفيع طول عمره حوت
بس نزل مستواه لما لعب مع الفيصلي ... لانه كان ولا يزال وسيبقى مجنون بحب الوحدات
http://content.sweetim.com/sim/cpie/emoticons/000201C7.gif (http://www.sweetim.com/s.asp?im=gen&ref=10)

بعدين اذا ما بدي اقارن لاعبي فريقي بلاعبي الغريق التقليدي ... عفوا الغريم التقليدي
في مين بدك اقارنهم ... بلاعبي اليرموك والا كفر سوسو ( مع احترامي للفريقين )
وكمان
والله يخليلنا الوحدات ويكسب كل البطولات http://content.sweetim.com/sim/cpie/emoticons/000200E1.gif (http://www.sweetim.com/s.asp?im=gen&ref=10)
ويخليلكوا الفيصلي ويكسب كل الوصيف http://content.sweetim.com/sim/cpie/emoticons/0002006B.gif (http://www.sweetim.com/s.asp?im=gen&ref=10)

لانه لا بطل الا الوحدات http://content.sweetim.com/sim/cpie/emoticons/00020128.gif (http://www.sweetim.com/s.asp?im=gen&ref=10)

:j (55): :j (55): :j (55): :j (55):

الله أكبر ................. الدوري أخضر

ازرع واقلع باتنجان ................. يلعن راس أبو الزعلان :j (70): :j (70):

وهي هي العب يا وحدات ( طبعاً مع زقفة ) :j (68): :j (68):

adham

15-07-2008, 10:12 AM

************************************************** ******
طالما نزل مستواه ليش ما يرجع للفيصلي اذا وافقوا عليه طبعا؟

بالنسبة لموضوع المقارنه:
كتير انتم معجبين بلاعبين من خارج الفيصلي كالجزيرة وشباب الاردن والصفقة الي كانت سوف تتم مع الجزيرة..ليش ما تعقدوا مقارنات مع لاعبين انتم معجبين بهم؟:j (101): ؟طالما الفيصلي ما معجبكم فيه شيء؟ لا لاعبين ولا مستوى لعب؟ ولا حتى شيء؟
بس سبحان الله الغيرة والحسد ذابحكم:j (54):
بس قاعدين على قلبكم,,
الفيصلي الزعيم.
انسحبوا من البطولة احسن الكم.
:j (46):
****************
طبعا انا معك.. بحب مناكفات الوحداتية مع الفيصلاوية
وان شاء الله الموسم الحالي بتولع بينهم,,وراح يكون دورك انت ومحمد طميلة اضافة البنزين على النار..
والله يعين باقي الفرق.
:j (85): :j (34): :j (55):
شكرا كثير
تحياتي
حنان عمر

انا مسخمط ومسكين وفي حالي
شو ادير بنزين
يا ستي البنزين غالي
بنوخذ الكسكيتات المشعوطة من الشباب وبنحطلها بواجي وبلاتين ياباني أصلي
خليه يصير يلدع وما يشعط
اذا ما نفعت بنبعتها عن المهندس طحيل ... أو الدكتور الدمنهوري ... أو العقيد
يعملولهم افرهول كامل مع تغيير الكمشفطات واضافة اكزوزت ثاني عشان ما يصير تخنيق
وبعدين الدكتور وعد باستبدال البنزين بالخروب
لانه في استراليا صار الخروب مشروع طاقة بديلة
بالك بتنفع مع الفيصلاوية

عدي ربيحات

15-07-2008, 11:44 AM

يا خوي يا ادهم فش اشي معبي الراس هالايام

فش اشي حالياً بنفع معنا

adham

15-07-2008, 12:49 PM

يا خوي يا ادهم فش اشي معبي الراس هالايام

فش اشي حالياً بنفع معنا

وشو رايك بكاسة شاي مع النعنع الاخظر
انتو ما بيجيبكوا ورى الا الالوان الخظرا
صدقني لو فيصلاوي يقطع الاشارة خظرا الا يخالفوه تجاوز غير مسموح :j (57):

عدي ربيحات

15-07-2008, 04:42 PM

<table class="tborder" align="center" border="0" cellpadding="6" cellspacing="1" width="100%"> <tbody><tr> <td class="tcat" colspan="2"> الذين يشاهدون محتوى الموضوع الآن : 1 ( الأعضاء 1 والزوار 0) </td> </tr> <tr> <td class="alt1" colspan="2"> زياد توفيق (http://www.jordan4ever.com/vb/member.php?u=46) </td> </tr> </tbody></table>  

ها يالله افتي فيها يابو الوعود

زياد توفيق

15-07-2008, 04:51 PM

بالتوفيق للوحدات والقات الاول في حرق روس الهطولاك إن وجدوا على الساحه
اعتقد إنه إستيراد كميات الخروب لهيدي السنه يا ابو جبريل راح تكون برقم قياسي

كونه في روس راح تشيط وتولع بسبب إدمان الوشافه ...

أحييك على الموضوع المميز يا ابو جبريل ...

وبالنسبه إنه ما في حد بيكتب موضوع عن الزرك فألأنه فش إشي ينكتب عنهم أصلا وجماعتهم همه وقلتهم واحد ..

زياد توفيق

15-07-2008, 04:55 PM

<TABLE class=tborder cellSpacing=1 cellPadding=6 width="100%" align=center border=0><TBODY><TR><TD class=tcat colSpan=2>الذين يشاهدون محتوى الموضوع الآن : 1 ( الأعضاء 1 والزوار 0) </TD></TR><TR><TD class=alt1 colSpan=2>زياد توفيق (http://www.jordan4ever.com/vb/member.php?u=46) </TD></TR></TBODY></TABLE>

ها يالله افتي فيها يابو الوعود

سأفتيك بسبع وصيفات جميلات قابلات للزيادات لتسع وصيفات ممكنات
شو رأيكن يا مدمنات وصيفات

MoHaMaD

16-07-2008, 04:03 PM

والله الزرك راحو فيها

بالفريق الأساسي يا دوب قدرو يفوزو على العربي

شكلو الوحدات راح يكمل الموسم كلو بالرديف لانو فش مستوى
بدهم يقلدو الوحدات ويلعبو بالرديف

أي هو كل رديف زي رديف الوحدات

والله بدي أشتريلي عرباية وأبيع عليها خروب لانها شغلة مربحة

عدي ربيحات

16-07-2008, 04:15 PM

تفاءلوا بالدوري تجدوه

زياد توفيق

16-07-2008, 04:48 PM

والله الزرك راحو فيها

بالفريق الأساسي يا دوب قدرو يفوزو على العربي

شكلو الوحدات راح يكمل الموسم كلو بالرديف لانو فش مستوى
بدهم يقلدو الوحدات ويلعبو بالرديف

أي هو كل رديف زي رديف الوحدات

والله بدي أشتريلي عرباية وأبيع عليها خروب لانها شغلة مربحة

لأ ياريال 10 الزرك ما شاركوا بالدرع بالاساسي بل برديف الفيصلي مطعمين بطارق صلاح المحترف والمبيضين وحسين زياد وعبد الاله الحناحنه فقط ...

ومع ذلك لم يستطيعوا لغايه مباراتهم الثانيه من تحقيق اي نقطه حيث خسروا الاولى مع اتحاد الرونسا يوناتيد 2-1
وخسروا الثانيه مع الشياطين الحمر ( الجزيره ) 1-0

فيما حققوا اول فوز على العربي 2-1 بفضل المحترف طارق صلاح بالدقيقه 92

ومع ذلك مش حيتاهلوا عن مجموعتهم لنها محجوزه لأتحاد الرمثا 9 نقاط والجزيره 6 نقاط

MoHaMaD

16-07-2008, 04:51 PM

وعدي بقولك بس لاعب أساسي واحد شارك في المباراة

زياد توفيق

16-07-2008, 04:56 PM

لأ همه 5 فقط مشان الامانه يا ريال 10 الي شاركوا الفريق في مباراه العربي
واعتقد المباراه الجاي راح يشركوا 8 لعيبه اساسين لأنهم لازم يفوزا على الحسين حتى ينافسوا الجزيره على التاهل عن المجموعه خاصه بعدما حجز اتحاد الرمثا البطاقه الاولى برصيد 9 نقاط

عدي ربيحات

16-07-2008, 05:05 PM

اللي انا ذكرتهم واللي ذكرهم زياد مش اساسين عنا اصلاً

MoHaMaD

16-07-2008, 05:18 PM

لساتو بكابر وبقولك مش اساسيين

المهم مع الفريق الأول مش من الفريق الثاني زي شبابنا

عدي ربيحات

16-07-2008, 07:17 PM

يا ابن الحلال يا ريال
يعني انتوا بتدعموا الشباب بعيسى السباح وحموسى حماد لانه موسى حماد شارك بالدوري بعدة مباريات وجاي تحكيلي شباب

فش فريق شباب بفوز بسهولة الا بتدعيم الفريق بكم لاعب اساسي ولو يا ريال بحسك دايماً زعلان..........

MoHaMaD

17-07-2008, 09:04 AM

لا يا زلمة أنا مش زعلان

فش اشي مستاهل الواحد يزعل عشانو

بعدين الفيصلاوية ما بنزعل منهم

عدي ربيحات

17-07-2008, 09:19 AM

احكيلي اذا بدك او ناوي تزعل

عشان اشطب عضويتك.........

MoHaMaD

17-07-2008, 09:33 AM

طول بالك

ترى معظم الاداريين وحداتية

دير بالك تفعفط ههههههههههه

عدي ربيحات

17-07-2008, 09:50 AM

لا يا رجل الاداريين مش وحداتية لا لا لا لا لا

مش معقول اللي بتحكيه

قول وغير يا رجل